Kampionati Kombëtar i Superiores së moshave ka rezervuar këtë javë dy ndeshje interesante për grupin A. Është derbi tradicional, KF Shkodra-KF Vllaznia për U-17 dhe U-19, ndeshje këto që do të zhvillohen në fushën sportive të Barbullushit duke qënë se Shkodra është pritëse këtë javë. Të parët do të që do të zbresin në fushë janë 17 vjecarët, ndërkohë që me shumë interes pritet ndeshja e dytë, ajo për kategorinë U-19.
Vllaznia e drejtuar nga trajneri Luan Zmijani vjen në këtë përballje si kryesues i grupit, ndërsa Shkodra me trajner Rudi Piraniqin rënditet e treta në klasifikim. Përtej rezultatit që mund të prodhojnë këtë ndeshje, ajo që duhet theksuar ka të bëjë me elementin cilësor që kanë këto skuadra në gjirin e tyre, perspektiva dhe destinacioni i të cilëve është për të luajtur me sukses në të ardhmen edhe në kategoritë e larta e të rriturve.