Java e 26-të e Kampionatit Kombëtar të Futbollit për kategorinë Abissnet Superiore, nis sot duke pasur në program tre duelet e para: Egnatia-Dinamo, Laçi-Skënderbeu dhe Partizani-Kukësi.
Dy përballjet e para nisin në orën 13:30. Egnatia pret në Rrogozhinë Dinamon. Rrogozhinasit ruajnë vendin e parë, por nuk fitojnë prej katër ndeshjesh. Nga ana tjetër, “Nëndetësja” do të kërkojë të surprizojë duke rimarrë sërish vendin e saj në “Final 4”.
Në të njëjtën orë, Laçi pret Skënderbeun, me të dyja skuadrat që janë pretendente për “Final 4”, por një hap i gabuar mund t’i fusë sërish në luftën për mbijetesë.
Ndërkohë, sfida tjetër, Partizani-Kukësi, treta për ditën e premte, nis në orën 17:00, ku skuadra e kuqe kërkon rikthimin te fitorja, teksa verilindorët luajnë shanset e tyre për mbijetesë.
Java e 26-të e Superiores, mbyllet nesër me dy përballjet e fundit, klasiken e futbollit shqiptar, Vllaznia-Tirana dhe derbin durrsak, Teuta-Erzeni . Që të dy takimet në fjalë nisin në të njëjtën orë, 17:00.
Kalendari i ndeshjeve të javës së 26-të të Superiores
Sot
EGNATIA – DINAMO 13:30
LAÇI – SKËNDERBEU 13:30
PARTIZANI – KUKËSI 17:00
Nesër
VLLAZNIA-TIRANA 13:30
TEUTA-ERZENI 13:30
