Çastet pas golit të barazimit mes Dinamos dhe Pafos, kanë dhuruar skena tensioni jo në fushën e lojës, por në vijën anësore të fushës, mes stafeve të skuadrave.
Në fakt, ishte trajneri i Pafos, Rikardo Sa Pinto, ish-futbollist i njohur portugez, i cili festoi në mënyrë të ekzagjeruar, ndërsa nga pankina e Dinamos i bënë shenjë që të qetësohej. Dhe pikërisht fjalët e trajnerit Daja tërbuan portugezin.
Ai u vërsul drejt pankinës së Dinamos, por u ndalua menjëherë nga pjesëtarë të stafit të tij derisa u qetësua, ndonëse nuk ndaloi gjestet ndaj Dajës si dhe djalit të tij, Glenit, i cili është asistent i teknikut të bluve.
