Fituesi i trofeut “Këpuca e Artë 2025” për djem, për sezonin futbollistik 2024–2025 është Bekim Balaj.
Ceremonia në fjalë, Mbrëmja Gala Topi i Artë 2025 e organizuar nga Federata Shqiptare e Futbollit po zhvillohet që prej orës 20:00 në sallën e Teatrit të Operas dhe Baletit nën moderimin e Ardit Xhebrea dhe Jonida Shehu.
Siç dihet, ky trofe nuk kërkon proces votimi, pasi përcaktohet mbi bazën e numrit të golave të shënuar gjatë sezonit. Bekim Balaj ka realizuar 19 gola në këtë edicion, duke u renditur në vendin e parë në listën e golashënuesve.
Trofeu iu dorëzua sulmuesit shkodran nga legjenda e futbollit argjentinas, ish-mesfushori Esteban Cambiasso.
