Artan Mërgjyshi do të jetë trajneri i ri i Apolonisë. Pritet vetëm zyrtarizimi nga klubi fierak me Mërgjyshin që ka dalë që tani në stërvitje. Ai ka zhvilluar seancën e fundit stërvitore duke marrë drejtimin e skuadrës.
Mërgjyshi rikthehet kështu te Apolonia,të cilën herën e fundit që e ka drejtuar e ngjiti në Kategorinë Superiore. Së fundmi ai shpalli Vorën kampione të Kategorisë së Dytë dhe do të provojë të vijojë me suksese të tjera te Apolonia.
Debutimi i Mërgjyshit do të jetë këtë të shtunë teksa Apolonia pret në shtëpi Flamurtarin në një superduel që nis nga ora 13:30,e vlefshme për javën e 17-të të Kategorisë së Parë.
Fatos LAMAJ
