Tuesday, May 28, 2024

Tuzianët në festë, KF Deçiqi, kualifikohet në gjysëmfinalen e Kupës malazeze

Lexo

Tuzi, qyteti në territorin e Malit të Zi, që dominohet me popullsinë shqiptare është në festë. KF Deçiqi, skuadra që përfaqëson komunën e Tuzit, por edhe rajonin e Malësisë po bën një prezantim të shkëlqyer në aktivitetin futbollistik në shtetin fqinjë të Malit të Zi. Ndërkohë, që mban vendin e dytë në kampionatin e Superligës malazeze, menjëherë pas Buduçnostit të Podgoricës, Deçiqi arriti sot edhe një sukses tjetër duke u kualifikuar në turin gjysëmfinal të Kupës malazeze. Kjo u arrit me fitoren e realizuar pasditen e sotme në stadiumin e Tuzit ndaj skuadrës Sutjeska, të cilën e mundi me rezultatin minimal 1 me 0 me gol të shënuar nga Adrijan Rudoviç. Me një vend të dytë në kampionat dhe kualifikim në gjysëmfinalen e Kupës, është një tregues i qartë që për klubin e futbollit Deçiq, ky është padyshim një sezon futbollistik i shkëlqyer.

Merita shkon për vete futbollistet dhe stafin teknik, por padyshim që një meritë po aq të madhe ka edhe presidenti i këtij klubi, malësori i mirënjohur, Pal Dreshaj, ku që prej ardhjes së tij në krye të KF Deçiq, situata është tjetërsuar në mënyrën më të mirë.

Gaspër MARKU

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img