DINAMO-TEUTA 1-0 (90’+3′ Denison)
Dinamo fitoi minimalisht 1-0 ndaj Teutës në “Air Albania”, në ndeshjen e kampionatit e vlefshme për javën e 27-të. Ishte një ndeshje me dy tablo, me durrsakët më kërkues në të parën, ndërsa në të dytën, ishin kryeqytetasit në sulm. Teuta gaboi dy herë nga penalltia në minutën e 35-të.
Momenti vendimtar ishte në minutën e 93-të, me Denisson, që nga një kënd i vështirë, ia doli ta dërgojë topin në rrjetë. Një supergol nga braziliani, për t’i dhënë 3 pikë të arta skuadrës së tij.
Me këtë rezultat, dinamovitët janë në vendin e katërt me 42 pikë. Teuta është në vendin e shtatë me 34 pikë.
