Atletika shkodrane është më e mira e Shqipërisë për vitin 2022. Mbrëmjen e sotme, ekipi Vllaznisë për meshkuj nën drejtimin e trajnerëve, Albert Marashi, Dorian Tafa, Bruno Rrotani, Jetmir Jahaj, është shpallur kampion i Shqipërisë.
Suksesi në fjalë është arritur në garat e Kampionatit Kombëtar për të Rritur, të zhvilluara për dy ditë me radhë, dje dhe sot në pistat dhe pedanat e stadiumit, “Elbasan Arena”. Bazuar në rezultatet e arritura, duhet thënë se Vllaznia ka qënë haptazi dominuese ndaj ekipeve të tjera. Këtë e verteton edhe pikeverazhi në mbyllje të garave, ku ekipi shkodran arriti të grumbullojë 194 pikë, i shkëputur ndjeshëm nga dy skuadrat e tjera, Skënderbeu me 78 pikë dhe Mjeshtria Durrës me 50 pikë.
Një titull kampion që vjen në Shkodër për të 14-tin vit me radhë, çka tregon për punën këmbëngulëse, sistematike dhe shumë profesionale që stafi i trajnerëve bën me sportistët e talentuar që ka në dispozicion.
Krahas titullit kampion, Vllaznia i gëzohet edhe trofeut të sportistit më të mirë të aktivitetit, kupë të cilën e meritoi, Franko Burraj. Atleti i talentuar qe stervitet nga trajneri Bruno Rrotani, u shpall kampion në vrapimin 200 m, garë në të cilën arriti të përmirësoi rekordin kombëtar me shifrat e reja 21’.29 që mbahej po nga ai me kohën e vjetër, 21’.45.
Gara e 200 metrave, krahas Franko Burrajt, që u shpall kampion, edhe dy vendet e dytë dhe të tretë u fituan nga atletët shkodranë, Leando Çardaku dhe Lulzim Çengeli.
Një tjetër kampion shqiptar nga Vllaznia është edhe në garën e 400 metrave me pengesa. Ai është Durian Idrizaj që regjistroi kohën 54’40.
Vllaznia dominoi edhe në garën e Kërcimit Tre Hapsh, ku atletët e saj merituan tre vendet e para. Muhamet Çengeli është i pari me kohën 15’01, i dyti Kolindo Kiri me 15’.05 dhe Erdi Duka me 13’.60.
Një tjetër titull kampion nga ekipi i Vllaznisë u fitua gara e stafetës 4×400 metra me kohën 3’25. Pjesëtar të kësaj stafete ishin atletët, Franko Burraj, Leando Çardaku, Lulzim Çengeli dhe Durian Idrizaj.
Këto ishin rezultatet e arritura nga atletët shkodranë në ditën e dytë dhe të fundit të kampionatit. Ndërkohë, më herët, gjatë garave të ditës së parë, atletët e Vllaznisë arritën këto rezultate.
100m
- Leandro Çardaku, 11”16
- Endri Rakaj, 11”22
- Lulzim Çengeli, 11”27
110m/pengesa
- Durjon Idrizaj , 14”95
- Ravio Rama, 15”09
- Genald Selhanej, 17”00
400m
- Franko Burraj , 47”44
Kercim se gjati
- Muhamet Çengeli, 7.64m
- Rakaj, 7.31m
- Kiri. 6.78m
- Glenis Haxhia. 6.68m
- Duka. 6.63m
Kercim se larti
- Glenis Haxhia , 1.90m.
Stafete 4x100m
- Franko Burraj, Leandro Çardaku, 43”11
Durjon Idrizaj, Lulzim Çengeli
- Ravio Rama, Muhamet Çengeli, 44.51.
Genald Selhanej, Endri Rakaj .
Kercim se gjati ( Femra)
- Erisa Rrasa, 5.78m
Kercim se larti
- Elda Tula
Gaspër MARKU
(Video: Festa e atletëve të Vllaznisë pas fitimit të titullit kampion)
