Pas festës së zakonshme në dhomat e zhveshjes për fitoren ndaj Skënderbeut, trajneri i Vllaznisë Qatip Osmani është shprehur i kënaqur për angazhimin dhe luftën sportive që ato paraqiten në këtë ndeshje.
Afrimi me dy pikë larg krysueses Egnatia shikohet pozitivisht nga ana e Osmanit, madje me këtë ritëm pozitiv që ka skuadra, ai shpreson dhe beson se Vllaznia do të kapë edhe vendin e parë në renditje.
Për Osmanin, ajo që i dha më shumë forcë dhe freski skuadrës në këtë ndeshje ishte aktivizimi i Çobës në pjesën e dytë, i cili e rriti shumë më tepër presionin në portën kundërshtare, pasi pati momenti që skuadra ndjeu lodhjen e ndeshjeve të mëparshme duke përfshirë edhe 120 minutëshin e Kupës së Shqipërisë ndaj Erzenit.
I pyetur për titulin kampion që në Shkodër pritet me padurim nga një qytet i tërë, tekniku Osmani konfirmoi se skuadra në tërësi është e angazhuar maksimalisht për ta bërë realitet një gjë të tillë.
(Video) Prononcimin e plotë në video të teknikut kuqeblu Qatip Osmani dhënë pas ndeshjes ndeshjes, Skënderbeu-Vllanzia 0-1, mund ta ndiqni në kanalin tonë zyrtar, Veriu Sport-YOUTUBE.
