Xhulio Vrenozi është momentalisht ndër emrat më të spikatur të boksit shqiptar. Fieraku që ka fituar shumë tituj kampion në kampionatet e Shqipërisë, prej vitesh bokson në Itali, ku gjatë karrieres sportive në boksin profesionist ka regjistruar 18 fitore.
Me 25 shkurt, Federata Botërore e Boksit Profesionit, ka planifikuar një ndeshje shumë të rëndësishme për Vrenozin që do të zhvillohet në Kanada, duke pasur përballë një kundërshtar që është i 50-ti në renditje. Për t’u theksuar është se për tu përgatitur për ndeshjen e Kanadasë, fieraku Xhulio Vrenozi ka zgjedhur palestrën e boksit Vllaznia Shkodrës në asistencën e trajnerit të mirënjohur, Zef Gjoni. Ndaj, në prononcimin e dhënë për Veriu Sport, falenderon klubin Vllaznia për mikpritjen dhe kushtet e krijuara për stërvitje.
Përpara se të udhëtojë drejt Kanadasë, Xhulio është planifikuar të boksojë edhe në ringun profesionist të Shkodrës me datë 22 janar. Ashtu si edhe kolegët e tjerë shkodranë, Senad Drini, Arjon Kaloshi dhe Nelson Hysa, Vrenozi premton t’i dhurojë sportdashëve shkodranë një ndeshje spaktakël shoqëruar me fitore.
(Video) Intervisten e plotë me boksierin profesionist, Xhulio Vrenozi, mund ta ndiqni të plotë në YOUTUBE, kanali Veriu Sport.
Gaspër MARKU