Në Kukës sot ka festë. Tifozëria kuksiane dhe mbarë opinioni sportiv në qytetin verilindor dhe më gjërë, i gëzohen ndërtimit të stadiumit të ri, që ka marrë emrin, “Kukës Arena”.
Inagurimi i kësaj vepre të rëndësishme sportive do të bëhet sot, ku krahas ceremoniësë përuruese, do të shoqërohet me ndeshjen e orës 20:00, Kukësi-Laçi, e vlefshme për javën e 30-të të Kategorisë Supeëriore.
Një ngjarje kjo shumë e rëndësishme për qytetin verilindor, dhe në të njëjtën lohë edhe për mbarë sportin shqiptar në përgjithësi, që ka marrë vemendjen e Presidentit të Federatës Shqiptare të Futbollit, Arman Duka.
“Stadiumi i ri i Kukësit hap dyert sot!
Të dashur miq,
Mbrëmjen e sotme përmbyllim një tjetër investim strategjik për futbollin shqiptar. ”Kukës Arena”, një investim i Federatës së Futbollit në bashkëpunim me Qeverinë shqiptare inagurohet sot në mbrëmje me ndeshjen e Abissnet Superiore, Kukësi-Laçi.
Ndihem shumë i lumtur teksa shikoj që vit pas viti në realitetin tonë futbollistik po shtojmë vepra të tilla që na afrojmë giithmonë e më shumë te standartet e larta që kemi vendosur.
Ta gëzojë futbolli shqiptar dhe qyteti i Kukësit me tifozët e tij të mrekullueshëm.”, shkruan njëshi i institucionit më të lartë të futbollit në Shqipëri, Armand Duka.
