Pasi ka mbyllur me sukses ndeshjet e dy fazave të kampionatit, tutboll i moshave për kategorinë e Superligës U-19 është gati të luajë ndeshje e fazës Play Off si dhe atë Play Out, ku do të përcaktohet edhe fituesi kombëtar dhe skuadrat që do të zbresin në Kategorinë e Parë për sezonin 2022-2023. Pas shpalljes së skuadrave fituese
Për Grupet A dhe B në këtë grupmoshë, fitues janë KF Partizani në grupin A dhe FK Apolonia në grupin B. Ndërkohë, Departamenti i Garave në FSHF ka përcaktuar dhe ҫiftet e fazës vendimtare të sezonit. Në bazë të rregullores së kompeticionit, u përcaktua kalendari i ndeshjeve, ku në fazën play-off skuadrat e renditura në vendin e 1 (parë) të 2 (dytë), të 3 (tretë) dhe të 4( katërt) të grupeve “A” dhe “B” pas përfundimit të Kampionatit të Kategorisë Superiore U-19 do të zhvillojnë ndeshje direkte me një takim të percaktuar nga skema e mëposhtme: Play-off Turi 1/4
1A – 4B;
1B – 4A;
2A – 3B;
2B – 3A
Ndërsa në fazën play-out skuadrat e renditura në vendin e 9 (nëntë) dhe të 10 (dhjetë) të Grupeve “A” dhe “B” do të zhvillojnë një ndeshje me një takim sipas skemës së mëposhtme:
Play-Out
9A – 10B
9B – 10A
Ndeshjet do të zhvillohen me sistem grumbullimi në Tiranë në datat 14 dhe 15 maj në Kompleksin Internacional dhe Qendrën Sportive Kamëz.
Më poshtë do të njiheni me çiftet e fazës play-off dhe play-out për Kategorinë Superiore U-19:
