Marok-Spanjë 0-0
Penalltitë:
Maroku: Sabiri +, Zijek +, Benun -, Hakimi +
Spanja: Sarabia -, Soler -, Buskets –
120 minuta dhe penallti, u deshën për të përcaktuar skuadrën çerekfinaliste të çiftit Marok-Spanjë. 0-0 90-të minutat e kohës së rregullt. 0-0 edhe koha shtesë prej 2×15 minuta, dhe në fund penalltitë, ku Maroku tregohet më i saktë duke kaluar turin. Festë në kampin maroken, por nga ana tjetër, ka “festë” edhe për tifozët gjerman, të cilët ndër të tjera, eleminimin nga Botërori “Katar 2022”, ia faturojnë jo pak edhe Spanjës, që sipas tyre, përllogaritjet e saj në grup duke u mundur nga Japonia, larguan Gjermaninë nga botërori. Gjithnjë, sipas tifozëve gjermanë, eleminimi i Spanjës, menjëherë pas Gjermanisë, do të thotë: Drejtësia, u vu në vend…!
Kësisoj, Maroku është në çerekfinale të Kupës së Botës “Katar 2022”. Referuar ecurisë së takimit, muri i ngritur nga formacioni i Regraguit rezistoi për të gjithë 120 minutat e lojës, por edhe më tej, me Spanjën që nuk mundi të shënonte asnjë goditje nga njëmbëdhjetë metra, duke gabuar me Sarabia, Rodri dhe Busquets. Goditja e Hakimi ishte vendimtare për Marokun pas golave të Sabirit dhe Ziyech.
Maroku bën histori dhe arrin për herë të parë në çerekfinale të një Kupe Bote. E bën këtë në kurriz të një Spanjë që ende vuan magjinë e goditjeve të penalltive, si në Rusi 2018. Iberikët nuk arrijnë të konvertojnë as një në shortin final, Bounou qëndron si një protagonist i madh duke shpëtuar dy prej tyre, një u ndal në shtyllë.
120 minutat përfunduan 0-0, me një Marok më të rrezikshëm në pjesën e parë të ndeshjes dhe një Spanjë shumë të ngadaltë në tiki-takan e tyre dhe me një Morata që hyri në lojë në pjesën e dytë, por nuk ishte në gjendje të rriste ritmin e sulmit të skuadrës së Luis Enrique. ‘Furie Rosse’ mund të kishin fituar në minutën e 120-të, por Sanabria goditi shtyllën nga afër. Afrikanët luajtën me stadiumin në krah dhe tani po qajnë nga gëzimi duke pritur që kundërshtari të jetë një mes Portugalisë dhe Zvicrës.
Më i miri në fushë Amrabat, debutim botëror edhe për Cheddira. Nga ana tjetër, gjallëria e Ferran Torres fillimisht dhe Nico Ëilliams më vonë nuk mjaftoi. Spanja, pa një qendërsulmues të vërtetë për shumë minuta, me topin në këmbë, por pa goditjen përfundimtare. Maroku e meritoi plotësisht.
Statistikë
- Sot ishte llotaria e pestë e penalltive për Spanjën në Kupën e Botës, e barabarta me Argjentinën. Ka humbur katër here, maksimumi në historinë e kompeticionit.
- Maroku është kombëtarja e parë afrikane që fiton me penallti në Kupën e Botës, vetëm hera e dytë që një ekip afrikan që konkuron në një stad të tillë (më parë Gana 2-4 Uruguay në 2010).
- Spanjolli Rodri u bë lojtari i parë (që nga viti 1966) që plotësoi më shumë se 600 pasime në një Botëror të vetëm (637), me rekordin e mëparshëm të vendosur nga një tjetër lojtar spanjoll (599 – Xavi në 2010).
- Spanja ka luajtur kohë shtesë për të pestën herë radhazi mes Europianit dhe Kupës së Botës.
- Spanja bëri vetëm një përpjekje në pjesën e parë kundër Marokut. Në Kupën e Botës, që nga viti 1966, kishte bërë gjithmonë të paktën dy goditje në fraksionin e parë.
- Sergio Busquets barazoi Sergio Ramos dhe Iker Casillas si lojtari spanjoll me më shumë ndeshje në Kupën e Botës (17).
- Spanjolli Gavi (18 vjeç 123 ditë) është lojtari më i ri që ka nisur nga minuta e parë një ndeshje eliminatore të Kupës së Botës që nga Pelé në vitin 1958 (17 vjeç 249 ditë).
- Achraf Hakimi dhe Hakim Ziyech u bënë lojtarët me më shumë ndeshje të Kupës së Botës për Marokun (shtatë), duke kaluar Mustapha Hadji (gjashtë, si Romain Saïss).
