Edicioni i 19-të i “Really Albania”, garës interesante me motorrë dhe makina të fuqishme që pedalojnë në terrene të vështira, këtë radhë e ka pasur nisjen e tij nga bregdeti velipojak i Shkodrës.
Janë rreth 200 pilotë, pjesa më e madhe e tyre të huaj nga shumë vende të ndryshme europiane, por edhe shqiptarë që konkurojnë në këtë garë, e cila vit pas viti po bëhet pjesë e rëndësishme edhe e kalendarit sportiv shqiptar.
Në mes konkuruesve shqiptarë spikat edhe Ardit Kurtaj, një shkodran, i cili jeton prej vitesh në Austri, por që falë pasionit që ka për këtë sport, me motorrin e tij që mban numrin 81, vazhdon të jetë një konkurues dinjitoz në disiplinën e garës me motorrë.
Sipas programit të aktivitetit, mbi 200 pilotët pjesëmarrës në garë do të vijojnë konkurimin për shtatë ditë me radhë në një distancë 2 mijë kilometra, ku krahas konkurimit, kanë mundësi të shijojnë, por edhe të promovojnë vlerat e turizmit shqiptar, jo vetëm në zonën bregdetare por edhe në zonat turistike malore.
(Video) Pamje nga ceremonia e nisjes së pilotëve në “Really Albania” 2023-Velipojë Shkodër
