Skuadra braziliane është sulmuar nga një grup tifozësh të Sport Refice pas ndeshjes së Kupës
Fatkeqësi për lojtarët e Fortalezës pas barazimit ndaj Sport Recife në Copa do Nordeste në Brazil. Në fund të ndeshjes, e cila përfundoi 1-1, autobusi i klubit u qëllua me gurë në dalje të Arena Pernambuco nga një grup mbështetësish të organizuar të skuadrës kundërshtare.
Në videot që qarkullojnë në rrjetet sociale mund të shihen xhamat e thyer, copa xhami kudo dhe sedilje të gjakosura. Gjashtë lojtarë të Fortaleza u lënduan dhe u dërguan në Spitalin e Real Portugez, siç raportohet në shënimin zyrtar të klubit: “Gjashtë lojtarë u goditën: portieri João Ricardo u plagos me një prerje në vetull dhe mbrojtësi i majtë Gonzalo Escobar pësoi një goditje në kokë. Mbrojtësi i djathtë Dudu, mbrojtësit Titi dhe Brítez dhe mesfushori Lucas Sasha u plagosën nga xhamt. Sportistët e tjerë do t’i nënshtrohen trajtimit mjekësor për të hequr copat e xhamit nga trupi i tyre”.
