Vllaznia-Dinamo do të jetë kryesfida e javës në Abisnet Superiore. Paralelisht me takimet e tjera,përballja mes tyre merr jetë sot në orën 16:00.
Të dyja skuadrat zbresin në “Loro Boriçi” duke mbajtur mbi supe 27 tituj kampion. 18 i ka fituar Dinamo në historinë e saj, ndërsa 9 i përkasin Vllaznisë.
Tre javë nga fundi i kampionatit, Vllaznia është në vendin e dytë të klasifikimit dhe Dinamo në vendin e katërt. Që të dyja kanë objektiv fitoren, Vllaznia për të mbajtur pozitat e vendit të dytë dhe Dinamo për të fituar betejen me Tiranën sa i përket vendit të katërt të “Final-Four”.
Gjithçka është për t’u shijuar, sepse përballja mes këtyre dy skuadrave ka dhuruar gjithmonë spektakël.
Në të njëjtën orë me ndeshjen Vllaznia-Dinamo luhen edhe katër duelet e tjera të Superiores. Vetëm Kukësi i ka mbyllur llogaritë për këtë edicion, ndërsa të gjitha skuadrat e tjera luajnë për të siguruar objektivat sezonalë.
Ndeshje e sotme të Abissnet Superiore
Vllaznia-Dinamo
Partizani-Skënderbeu
Erzeni-Kukësi
Teuta-Egnatia
Laçi-Tirana
Fatos LAMAJ
