Tërbuni-Albanët 2-1(Shënues: Arsid Temja 50’, Uendi Vecaj73’/Albi Alushi 71’)
Formacioni i Tërbunit: Meldin Tafa, Arsid Temja, Vildan Kaçubela, Klesti Troshani, Emmanuel Longe, Japhet Damen Dukëa, Jurgen Gjini, John George Vincent, Marindis Zere. Elvin Laçeja, Gideon Ekezie.(U aktivizuan: Anderson Filipi, Uendi Muja, Reit Brahja). Trajner: Sinan Bardhi.
Për Tërbunin duket se po vijnë ditë të mira. Dy fitoret radhazi, për javën e nëntë dhe të dhjetë, e para në transfertë me Gramshin me rezultatin 1-2 dhe kjo e sotmja në shtëpi ndaj ekipit Albanët me shifrat, 2 me 1, kanë rritur Tërbunin, jo vetëm në pikëzim, por edhe në aspektin moralo-psikologjik duke dhënë një garanci për vazhdimësinë në realizimin e objektivit të kualifikimit në kategorinë e parë.
Megjithatë, për pukjanët e drejtuar nga trajneri Sinan Bardhi, fitorja e kësaj të shtunë të 7 dhjetorit 2024, luajtur në stadiumin “Ismail Xhemali” të Pukës, nuk ka qënë e lehtë, sepse rezultati 2 me 1, la të hapur për mbi 20-të minuta fatin e takimit.
Meldin Tafa, Arsid Temja, Vildan Kaçubela, Klesti Troshani, Emmanuel Longe, Japhet Damen Dukëa, Jurgen Gjini, John George Vincent, Marindis Zere. Elvin Laçeja, Gideon Ekezie, ishin të besuarit e trajnerit Sinan Bardhi në startin e takimi, ku me megjithë përpjekjet e të dyja skuadrave, skuadrat shkuan në dhomat e zhveshjes me rezultatin e bardhë, 0 me 0.
Pjesa e dytë paraqet në fushën e lojës një Tërbun më të vendosur. Si rezultat i presionit në portën kundërshtare, 5 minuta nga fillimi i së dytës është Arsid Temja që tund rrjetën e ekipin Albanët duke kaluar në avantazh pukjanët me rezultatin 1-0.
Miqtë nuk pajtohen me disavantazhin dhe në një nga sulmet e tyre barazojnë rezultatin në minutën e 71-të me autor Albi Allushin.
Për ti ridhënë avantazhin pukjanëve mendon Uendi Vecaj, i cili i ardhur nga stoli shënon golin e dytë për Tërbunin në minutën e 73-të.
Minutat e mbetura të takimit shoqërohen me një luftë të fortë sportive, ku në fakt ndeshja mbetet e hapur, derisa vjen vërshëllima përfundimtare e arbitrit E. Dishane, e cila zyrtarin fitoren e tërbunit me rezultatin 2-1.
Gjashtë pikët radhazi kanë bërë që Tërbuni të ngjitet në tabelë, ku me 17 pikët e grumbulluara është në vendin e pestë të klasifikimit, po aq sa ka edhe Besëlidhja e vendit ë katërt, duke qënë brenda zonës Play-Off ku diskutohet kualikimit në kategorinë e parë. Tre vendet e para mbahen nga Luzi i Vogël, Sopoti, Iliria, përkatësisht me 23, 19 dhe 18 pikë.
Për javën e ardhshme, në kuadër të javës së 11-të, Tërbuni do të luajë në transfertë duke qënë mysafir në Barbullush për tu ndeshur me Murlanin e vendit në renditje.
(Video) Pamje nga ndeshja dhe golat e takimit, Tërbuni-Albanët 2-1. Kategoria e dytë, java e 20-të.
Fadil HYSENI
