Me ftesë të Klubit të Futbollit Vllaznia, ka mbërritur në Shkodër një delegacion i zgjeruar sportiv i Juventus Academy London.
Bazuar në marrëveshjen që drejtori i AF Vllaznia, Alban Hasani ka realizuar me homologët e tij, është vendosur që ekepet e moshave të Akademisë së Futbollit Vllaznia dhe ato të Juventus Academy London të zhvillojnë në harkun kohor të dy ditëve katër ndeshje miqësore.
Dy të parat, janë luajtur paraditen e së shtunës së 28 marsit në stadiumin “Reshit Rusi” të Shkodrës duke ballafaquar në fushën e lojës ekipet U10 dhe U11.
Ndërkohë, që me të njëjtën kategori moshe, akademitë në fjalë do të luajnë të dielën e 29 marsit edhe dy ndeshje të tjera po në stadiumin “Reshit Rusi”.
Sipas drejtorit të AF Vllaznia, Alban Hasani, miqësoret e luksit me ekipet e Juventus Academy London, pritet të shërbejnë pozitivisht për futbollist e grupmoshave kuqeblu duke qënë një mundësi shumë e mirë për të parë të ardhmen e futbollit në fushë dhe për t’i inkurajuar me duartrokitje dhe energji pozitive.
