Basania ka bërë publik stafin drejtues dhe teknik me të cilin do të punojë gjatë sezonit të ri futbollistik 2026/2027.
Klubi shkodran ka hedhur kështu hapat e parë për organizimin dhe përgatitjen e skuadrës me synimin për të pasur një sezon sa më të suksesshëm.
Në strukturën drejtuese të klubit, detyrën e administratorit të klubit do ta mbaj Fatmir Marku, ndërsa roli i drejtorit sportiv i është besuar Umberto Quistelli.
Në drejtimin teknik të skuadrës do të jetë Arbër Shytani i cili do të ketë në krah si zëvendëstrajner Rigers Xhahysa.
Për përgatitjen dhe punën me portierët do të kujdeset Eldi Hasani duke plotësuar edhe stafin teknik të Basanias për sezonin e ri.
Prezantimi i stafit do të zhvillohet të mërkurën në orën 18:00 në kompleksin sportiv “Zmijani” në Shkodër.
Ky është një moment i rëndësishëm për klubin shkodran i cili nis një kapitull të ri me një strukturë të konsoliduar dhe me objektivin për të ndërtuar një skuadër sa më konkurruese në sezonin 2026-2027.
Fatos LAMAJ
