Wednesday, July 24, 2024

Basket Femra-Eleminoi në gjysëmfinale Vllazninë, Flamurtari mund në finale Partizanin dhe shpallet fitues i Kupës së Shqipërisë

Lexo

Flamurtari i Vlorës është fitues i Kupës së Shqipërisë për edicionon 2023-2024. Skuadra vlonjate sfidoi në finale Partizanin, ndërkohë që një ditë më parë u ndesh në gjysëmfinale me Vllazninë më rezultatin 74-57. Në përballjen finale ndaj Flamurtarit, skuadra e kuqe e Partizanit erdhi pasi eleminoi Tiranën në gjysëmfinale me rezultatetin, 79-62.

Në sfidën finale, që u zhvillua të enjten pasdite në Pallatin e Sportin “Flamurtari” në Vlorë ka pasur disa përmbysje të shifrave, që kulmuan në një finale dramatike në sekondat e fundit, që u dhuroi vendaseve edhe trofeun.

Ka qenë Partizani më mbizotërues në 10-minutëshin e parë, duke e fituar atë me një epërsi të bollshme, 24-16 dhe, ndonëse vlonjatet reagojnë dhe e fitojnë atë të dytin 20-18, janë kryeqytetaset që shkojnë në pushimin e madh midis dy gjysmave duke kryesuar me rezultatin e përgjithshëm 42-36.

Megjithatë, Flamurtari ka dalë më i motivuar nga dhomat e zhveshjeve, duke e fituar 10-minutëshin e 3-të me rezultatin 25-19 dhe duke bërë që, pas një gjysmë ore lojë, shifrat të barazohen në 61-61. 10-minutëshi i katërt dhe i fundit ka parë të dyja skuadrat të shkëmbejnë kryesimin e rezultatit, por në fund, është 3 pikëshi i Ornela Lalajt që e çon Partizanin në epërsi 79-78.

Por, teksa koha po përfundonte për Flamurtarin, është kapitenia Tea Memushi që rrëmben një top 12 sekonda para fundit dhe, teksa e ka humbur mundësinë e parë, në të dytën realizon në sekondën e fundit dhe u siguron vlonjateve fitoren 80-79 dhe bashkë me të edhe trofeun, përtej protestave të lojtareve dhe stafit të Partizanit, që nuk ka pranuar më pas të marrë pjesë në ceremoninë e dhënies së trofeut.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img