Saturday, April 13, 2024

Debutimi me humbje, Cungu: Laçi ka cilësi, nuk ishte ndeshje dinjitoze

Lexo

Trajneri Armando Cungu, debutoi me humbje në stolin e Laçit ndaj Egnatias në Kupë.

Pas ndeshjes, trajneri foli për MCN TV, ku deklaroi se ekipi nuk bëri ndeshje dinjitoze.

Cungu tha se Laçi ka cilësi për të bërë më mirë sesa situata ku ndodhen aktualisht.

Nuk ishte ndeshje dinjitoze për ne. Nuk e kishim menduar që do shkonte kështu. Duhet të ndryshojmë mendësi për kampionatin. Duhet të ndryshojmë mënyrën e sjelljes në fushë. Janë edhe 10 javë dhe Laçi i ka si finale.

Unë kam pasur vetëm një stërvitje tamam. Laçin e kam ndjekur në çdo ndeshje. Janë ekip që kanë bërë mirë, pavarësisht se nuk ka pasur ekuilibrin e duhur, për mbrojtjen e rezultateve. Ka individë që kanë cilësi dhe luajnë futboll. Këto cilësi duhet t’i tregojnë në fushë për të marrë 3 pikët, që i ka shumë të rëndësishme.

Nuk funksionuam si ekip. Në mbrojtje kishim problemet tona. Unë kam  ardhur për të bërë maksimumin tim, por kam ardhur edhe me pretendime për të çuar Laçin sa më lart, pse jo edhe në ‘Final Four’. Të mendojmë për Kukësin tani.

Laçi ka mundësi të bëjë më shumë. Në stërvitje djemtë janë shprehur ndryshe. Ngërçi ka ndikimin e vet. Për ta kaluar këtë ngërç, rezultati është i rëndësishëm. Të shkojmë për fitore në Kukës, në të kundërt, e ndërlikojmë situatën.

Unë kam kaluar sfida më të vështira se këto dhe nuk trembem.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img