Trajneri i Elbasanit, Ivan Gvozdenoviç ka komentuar për emisionin “Super Gol” në RTSH pas suksesit 3-0 përballë Dinamos në javën e dytë të “Final Four”.
“Nuk varet nga ne, por jemi prapë në lojë. Do të luftojmë në fushë, do të bëjmë maksimumin, në fund Zoti e di. Për ne sezoni ishte shumë i mirëm arritëm objektivin, ‘Final Four’.
“Bëmë një ndeshje të dobët në fillim, futbolli ka gjithmonë ulje e ngritje. Sot luajtëm përballë një kundërshtari me probleme mbrapa, që nuk kishte lojtarë të pozicionit natyral. Ishim me fat, ishim me një lojtar më shumë”.
“Pas golit të parë kishim gjithçka në dorë dhe e menaxhuam mirë, edhe goli i dytë erdhi shpejt. Në ndeshjen e radhës, atë kundër Vllaznisë do të tregojmë më shumë”.
