Friday, May 24, 2024

Futboll Femra-Mbyllet java e parë e Superligës. 40 gola në 4 ndeshje. Vllaznia kampione sfidon Partizanin në transfertë

Lexo

Është mbyllur java e parë e kampionatit ‘Abissnet Superiore’ për vajza, ndeshje të vlefshme për edicionin futbollistik 2023-2024. 4 takimet e para të këtij sezoni prodhuan mjaft emocione, ndërsa nuk munguan as golat që në këtë javë të parë.

Java e parë nisi me takimin Kinostudio – Teuta, me takimin e luajtur në QSK Kamëz paraditen e së shtunës. Ndeshja u mbyll me fitoren 11-0 të kryqytetaseve, të cilat veç rezultatit të thellë marrin kështu edhe tre pikët e para për këtë edicion. Po të shtunën, zhvilloi takimin e parë për këtë sezon edhe ekipi tjetër kryeqytetas, Tirana. Vajzat bardheblu pritën në shtëpinë e tyre ekipin e Lushnjes, teksa takimi u mbyll me fitoren e thellë të Tiranës, 12-0. 3 pikë mjaft të rëndësishme edhe për kryeqytetaset bardheblu në këtë fillim edicioni.

Sakaq, këtë të diel u luajtën edhe dy takimet e tjera të javës. Apolonia e nisi në transfertë sezonin e ri futbollistik, ndaj Gramshit. Fieraket nuk surprizuan me rezultatin, duke mposhtur gramshiotet me shifrat 14-0.

Supersfida që mbylli javën e parë, Partizani – Vllaznia u mbyll me fitoren 0-3 të kampioneve në fuqi të vendit. Shkodranet ishin dukshëm më dominusse, duke i fituar të dyja pjesët e takimit.

Java e parë:

Kinostudio 11-0 Teuta

Tirana 12-0 Lushnja

Gramshi 0-14 Apolonia

Partizani 0-3 Vllaznia

Skënderbeu – Laçi (e shtyrë)

Ndeshja Partizani – Vllaznia u transmetua live në kanalin zyrtar të FSHF-së në Youtube. Ashtu sikurse edicionin e kaluar, FSHF do të transmetojë çdo javë ndeshje nga kampionati i vajzave dhe ai i moshave.

Renditja – Java e parë

Apolonia 3 pikë

Tirana 3 pikë

Kinostudio 3 pikë

Vllaznia 3 pikë

KF Laçi 0 pikë*

KF Skënderbeu 0 pikë*

Partizani 0 pikë

KF Teuta 0 pikë

Lushnja 0 pikë

Gramshi 0 pikë

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img