Java e 22-të e Kampionatit Kombëtar të Kategorisë së Parë të futbollit shqiptar do të luajë sot vetëm një ndeshje. Bëhet fjalë për duelin, Vora-Apolonia, takim që do të nisë në orën 13:30 në stadiumin e Vorës, me vendasit që renditen në vendin e tretë me 39 pikë dhe pretendent për t’u kualifikuar në Superiore, dhe fierakët që janë dy pozicione më poshtë, në vendin e psetë me 31 pikë.
Duelet e tjera të kësaj jave janë programuar të luhen të dielën dhe të hënën. Kastrioti-Besa, Korabi-Lushnja, Luzi 2008-Burreli dhe Tomorri-Flamurtari, të dielën dhe të hënën kryendeshja, Bylis-Elbasani, që ballafaqon dy kryesueset e talelës sxë klasifikimit, ballshiotët të parët me 51 pikë dhe Elbasani i dyti me 49 pikë.
