Futboll moshat-Shënkolli U-19 mund Vllazninë dhe i merr dhe kreun e rënditjes

Lexo

Java e parë e fazës së dytë të Kampionatit Kombëtar të moshave për kategorinë Superiore nuk ka nisur aspak mirë për ekipet e Akademisë së Futbollit Vllaznia. Dy ekipet respektive, U-17 dhe U-19 ishin mysafirë në Shënkollë duke u ndeshur respektivisht me dy ekipet përkatëse të Shënkollit. Ndeshje këto që kanë përfunduar që të dyja me fitoret e ekipeve vendase të Shënkollit. Të parët që janë ballafaquar në fushën e lojës kanë qënë 17 vjeçarët, ku Veriu Sport ka përcjellë komentin e kësaj ndeshje, e cila është fituar nga Shënkolli me rezultatin 3 me 1, ndërkohë që më pas ka qënë dueli tjetër përsëri Shënkolli-Vllaznia, por për kategorinë e moshës U-19-të. Këtë radhë, në ndryshim nga fitorja e Vllaznisë 4-0 në gjysëmfinalen e Kupës, fitues doli Shënkolli U-19 me rezultatin 2 me 1. Pas një pjese të parë 0-0, në të dytën është Vllaznia që shënon e para me anë të Pusit në minutën e 73-të, por dy golat e vendasve në limitin e takimit me autor Dainë dhe Metaliajn bëjnë që i gjithë takimi të mbyllet me rezultain 2 me 1 në favor të Shënkollit. Kjo humbje e Vllaznisë U-19 i ka kushtuar jo pak kuqebluve, pasi kanë humbur në të njëjtën kohë edhe kreun e tabelës së klasifikimit, që tashmë e ka marrë Shënkolli me trajner shkodranin Haris Lika.

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -