Saturday, February 24, 2024

Futboll- Sot, java e pestë e Kategorisë së Parë, spikat dueli i kreut Korabi-Besëlidhja

Lexo

Kategoria e parë e futbollit shqiptar luan sot ndeshjet e javës së pestë. Ndër to, spikat dueli i kreut të renditjes të grupit A, Korabi dhe Besëlidhja, ndeshje e cila do të luhet në fushën e dibranëve duke filluar nga ora 13.30. Që të dyja skuadrat vijnë në këtë sfidë pas barazimeve të realizuara javën e kaluar, Korabi në transfertë me rezultatin 1 me 1 ndaj Partizanit B, ndërsa lezhjanët në shtëpi me Burrelin 0 me 0. Çiftet e tjera të grupit A janë këto: Erzeni-Partizani, Dinamo-Vora dhe Oriku-Veleçiku. Për këtë fundit, atë mes Orikut dhe Veleçikut, pritet një luftë e fortë sportive, ku pas barazimit të marrë javën e kaluar në “Reshit Rusi” ndaj Dinamos pretendente, koplikasit janë shprehur optimist për të marrë rezultat pozitiv edhe në këtëtransfertë.

Ndërkohë, në grupin B të ksaj kategorie, spikat dueli Flamurtari-Tomorri ku vlonjatët e zhytur në rezultate negative synojnë të marrin fitoren e parë në këtë kampionat. Me interes priten edhe ndeshjet e tjera të këtij grupi, Pogradeci-Elbasani dhe Turbina-Egnatia.

Sipas njoftimit të Federatës Shqiptare të Futbollit, të gjitha ndeshjet startojnë në orën 13.30.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img