Pak minuta më parë në Nion të Zvicrës është hedhur shorti për turin e parë kualifikues të UEFA Conference League.
Nga 6 skuadrat e grupit që pritej të dilte kundërshtari i Vllaznisë: Europa FC e Gjilbraltarit, FC Una Strassen e Luksemburgut, Penybont FC të Uellsit, Nomme Kalju FC të Estonisë, NSI Runavik të Faroe dhe Malisheva e Kosovës, goglat fiksuan çiftin, Vllaznia-Malisheva.
Ky është një moment historik, pasi, kjo do të jetë hera e parë që Vllaznia dhe Malisheva përballen mes tyre në arenën ndërkombëtare por edhe e para zyrtare në mes skuadrave nga Shqipëria dhe Kosova në një kompeticion të tillë.
Kësisoj, kuqeblutë e drejtuar nga trajneri Edi Martini do të përballen me Malisheven e Kosovës, e cila këtë sezon drejtohet nga ish trajneri i Vllaznisë Tomas Brdariç, i cili më herët kaloi një përvojë pozitive në krye të Drenicës të Superligës së Kosovës.
Natyrshëm, që krahas duelit, Vllaznia-Malisheva, do të tjetë edhe një sfidë mes kryepankinave përkatëse, Martini-Brdariç.
Kalendarit i përcaktuar nga UEFA-s, fikson që ndeshja e pare mes këtyre dy skuadrave do të luhet më 9 korrik në stadiumin “Loro Boriçi” të Shkodrës, ndërsa takimi i kthimit do të luhet më 16 korrik në Malishevë.
