Thursday, February 22, 2024

Kupa e Shqipërisë U-17 & U-19/ Luhen gjysmëfinalet, njihuni me çiftet finaliste në dy grup-moshat

Lexo

Janë zhvilluar të shtunën dhe të dielën ndeshjet e fazës gjysmëfinale për Kupën e Shqipërisë për grupmoshat U-17 dhe U-19.

Skënderbeu dhe Partizani do të përballen në finalen e Kupës për grup-moshën U-17, pasi arritën të kualifikohen dhe mes këtyre dy skuadrave do të vendoset se kush do ta fitojë trofeun për këtë edicion.

Gjysmëfinalja e parë u luajt të shtunën mes Skënderbeut dhe Tiranës. Koha e rregullt përfundoi në barazim 2-2 dhe më të saktë nga gjuajtjet e penalltive u treguan korçarët që triumfuan 6-5.

Në duelin tjetër që u zhvillua të dielën, Partizani mposhti me rezultatin minimal 0-1 Teutën dhe siguroi finalen e madhe të kupës për grup-moshën U-17. Gjithçka u vendos në minutat e para të ndeshjes, aty ku Partizani realizoi golin e vetëm të takimit dhe më pas administroi fitoren.

Në kategorinë e moshës U-19 finalja e Kupës së Shqipërisë do të diskutohet mes Partizanit dhe Bylisit.

Sfida e parë gjysmëfinale u zhvillua të shtunën mes Skënderbeut dhe Partizanit. Ndeshja përfundoi 2-2 dhe më pas nga gjuajtjet e penalltive më të saktë u treguan demat e kuq që triumfuan 6-7.

Ndërsa dueli tjetër gjysmëfinal u zhvillua të dielën mes Bylisit dhe Laçit. Ballshiotët zhvilluan një ndeshje shumë të mirë dhe fituan 2-0 ndaj laçianve duke siguruar finalen e madhe të kupës për grup-moshën U-19.

Kupa e Shqipërisë U-17

Turi gjysmëfinal

Skënderbeu – Tirana       2-2  (Pen 6-5)

Teuta – Partizani              0-1

Finalja e Kupës së Shqipërisë U-17

Skënderbeu – Partizani

Kupa e Shqipërisë U-19

Turi gjysëmfinal

Skënderbeu -Partizani 2-2 (Pen 6-7)

Bylis – Laçi                      2-0

Finalja e Kupës së Shqipërisë U-19

Partizani – Bylis

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img