Kuqezinjtë marrin tre pikët e para, por ka kritika për lojën. Andorrë-Shqipëri 0-1

Lexo

Emocionuese! Sot në Koplik janë mysafir kampionët bardheblu. Kupa e Shqipërisë. Sot ora 15:00, 6 ndeshjet e fundit të turit të parë, mes tyre...

Veleçiku i Koplikut që aktualisht luan në Kampionatin Kombëtar të kategorisë së dytëtë futbollit shqiptar, sot pret si vizitor...

Çikalleshi: Kjo kombëtare duhet ndryshuar. Nëse është e nevojme, duke filluar edhe prej meje!

Ka luajtur në fushë për shumë minuta, madje këtë radhë ndaj Islandës me shiritin e kapitenit në krah. Në...

Analiza e Rejës. Justifikime, marrje përgjegjësie dhe gati të ulet me Dukën për vazhdimësinë e tij në krye të kuqezinjëve

I gjendur në një breshëri kritikash për paraqitjen zhgënjyese të kombëtares shqiptare, përfshirë edhe këtë fundit me Islandën, tekniku...

Andorrë-Shqipëri 0-1

Golat: Lenjani 41’

ANDORRA: Gomes; Llovera, Vales, San Nikolas, Rubio; Martinez, Rebes, Vieira, Cervos; Alaez, Fernandez. Trajner: Koldo Alvarez

SHQIPËRI: Berisha; Gjimshiti, Kumbulla, Ismalji, Lenjani, Hysaj; Gjasula, Bare, Memushaj; Cikalleshi, Manaj. Trajner: Edi Reja

E enjte 25 mars 2021, ora 20.45, “Estadi Nacional” Andorra

Ka mjaftuar një gol i shënuar nga Lenjani në të 41-tën minutë të pjesës së parë të ndeshjes kundër kombëtares së Andorrës që Shqipëria të marrë tre pikët e para në kualifikueset e Kupës së Botës, “Katar 2022”. Ndeshja e luajtur mbrëmjen e së enjtes “Estadi Nacional” ka folur tërësisht për kuqezinjtë tanë të cilët duhet thënë se e dominuan takimin në të gjitha aspektet. Por, megjithatë, për specialistët dhe analistët e futbollit, kombëtarja e jonë nuk ishte në nivelin e kërkuar. Sipas tyre, përballë një skuadre modeste si Adorra, me lojtarët cilësorë që tekniku Reja ka në dispozicion, kombëtarja e Shqipërisë duhej ta kishte mbyllur më herët ndeshjen duke shënuar edhe golin e qetësisë, apo edhe diçka tjetër më shumë.

Sidoqoftë, më shumë se gjithçka në këtë ndeshje vlen fitorja dhe tre pikëshi i parë i marrë në këto eleminatore, të cilat krijojnë besimin e duhur që Shqipëria të marrë të tjera rezultate pozitive në ballafaqimet e ardhshme.

Referuar kronikës së lojës duhet thënë se trajneri Reja u paraqit në këtë sfidë me një skemë 3-5-2, duke shmangur çdo llojë befasie përsa i përket formacionit. Kuqezinjtë që në minutat e para treguan synimet e tyre për këtë sfidë, por pa forcën e duhur përballë një kundërshtari të lehtë në letër, që mbrohej me forca të shumta.

Manaj, Cikalleshi dhe Ismajli kishin mundësitë e tyre për të gjetur rrugën e rrjetës, por mungesa e përqëndrimit, ndoshta edhe e fatit bënë që të përfundonin në kronikën e rasteve të humbura. Gjithsesi, për të zhbllokuar sfidën ka menduar Lenjani.

Mesfushori i krahut të majtë, pas një kombinimi të bukur me Baren, ka shkarkuar të majtën e tij, e pakapshme për portierin Gomes, duke kaluar kuqezinjtë në avantazh pikërisht në minutën e 41-të të sfidës, 1-0, që është dhe rezultati i pjesës së parë.

Edhe në pjesën e dytë, të besuarit e trajnerit Reja kanë të njëjtin ritëm, asnjëherë në nivelin e dëshiruar, por dominues ndaj një kundërshtari si Andorra, që bëri shumë pak për të merituar më shumë në këtë sfidë.

Nuk munguan rastet për Shqipërinë, Broja dhe Gjasula vendosën emrin e tyre në kronikën e rasteve të humbura. Megjithatë, sfida është mbyllur me fitoren e kuqezinjve, që u gëzohen tri pikëve të para në këtë aventurë të re. Fitore kjo që shpresojmë të japë efektin e duhur moralo-psikologjik për ta kaluar me sukses përballjen e ditës së diele përballë një emri të madh të futbollit botëror, si Anglia që do të jetë mysafir në stadiumin “Arena Kombëtare” të kryeqytetit.

 

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -