Tirana është kthyer në krye të renditjes me me fitoren ndaj Laçit. Pas ndeshjes për Oversport foli trajneri i Laçit, Mezani:
“Skuadra ktheu besimin në pjesën e dytë por kjo është loja. Më vjen keq në pjesën e parë që nuk ishim të saktë. Pësuam gola të lehtë dhe nuk falen. Bëhet më e vështirë kështu për të marrë pikë. Kam folur me skuadrën që kemi oshilacione. Humbim përqendrimin dhe nuk marrim përgjegjësi, një pjesë e parë me tre gola është shumë e vështirë.
Kemi bërë një pjesë të dytë siç e kërkonim në stërvitje, një skuadër që presonte e luante shpejt. Nuk e arritëm në pjesë ne parë. Lojtarët e dijnë që duhet të marrin përgjegjësi ashtu si unë që marr ato të mijat. Shpresoj që nga ndeshja e ardhshme lojtarët të jenë koshient që të luhet për Laçin, këtë qytet, as për veten as për trajnerin. Kjo tifozëri është mësuar të jetë lart.
Pjesa e dytë tregoi karakterin që duhet të shfaqim në cdo ndeshje por kjo nuk duhet vetëm në disa pjesë loje.
Stavri Nica është pjesë e Lacit, ka eksperiencën e vet dhe nuk është keq kur një skuadër ka njerëz që e njohin kampionatin shqiptar”, -tha ai.
