Thursday, July 18, 2024

Objektiv i realizuar! Atleti shkodran Franko Burraj i dyti në listën e delegacionit sportiv shqiptar për Lojrat Olimpike “Paris 2024”

Lexo

Nuk kishte si të ndodhte ndryshe! Një karriere sportive e mbushur me plot rezultate pozitive, tituj kampion dhe rekorde kombëtare në vazhdimësi për shtatlartin e atletikës shqiptare, talentin shkodran Franko Burraj.

Një karriere, e cila ka brenda punën plot pasion edhe të trajnerit të tij Bruno Rrotani, ku përpos fitimit të disa trofeve si atleti më i mirë i kampionatit shqiptar është shoqëruar edhe me konkurimet plot dinjitet në kampionate Ballkanike, Europiane dhe Botërore.

Konkretisht, Franko Burraj është mbajtës i 3 rekordeve kombëtare, si dhe gjysmëfinalist në Kampionatin Botëror të Atletikës të vitit të kaluar.

E megjithatë, vargut të sukseseve të tij i mungonte pjesëmarrja në një Olimpiadë Botërore. Dhe, kjo nuk vonoi të vinte pikërisht në vitin 2024. Vetëm pak ditë më parë, Komiteti Olimpik Kombëtar Shqiptar ka publikuar listën e pjesëmarrjes së delegacionit sportiv shqiptar për në Lojërat Olimpike, “Paris 2024”, ku talenti shkodran Franko Burraj figuron i dyti.

Ekipi Olimpik TEAM ALBANIA në Paris 2024

Shqipëria do të përfaqësohet me 8 sportistë në Lojërat Olimpike, që do të mbahen prej datës 26 Korrik deri më 11 Gusht 2024, në Paris.

Team Albania përbëhet nga 4 sportistë që kanë siguruar kualifikimin direkt, me Luiza Gegën në Atletikë, që do të garojë në 3000m me pengesa.

Mundësi Zelimkhan Abakarov do të garojë në stilin e lirë në peshën 57 kg, Islam Dudaev në mundje stil i lirë do të garojë në peshën deri në 65kg dhe Chermen Valiev në mundje stil i lirë do të garojë në peshën 74kg.

Team Albania ka siguruar edhe 4 ftesa, me Franko Burraj në Atletikë 100m, Manjola Konini në qitje, në disiplinat 25m pistol dhe 10m Air pistol, si edhe notarët Kaltra Meça 200m stil i lirë dhe Grisi Konxhaku 100m stil i lirë.

Prezantimi zyrtar i Team Albania dhe dorëzimi i Flamurit Kombëtar do të bëhen me 15 Korrik 2024.

Urime Franko!

Gaspër MARKU

 

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img