Goce Sedloski debuton me fitore te Vllaznia duke mposhtur Erzenin me rezultatin 3-1 në “Loro Boriçi”. Në këtë mënyrë Vllaznia konsolidon pozitat për një vend në kupat e Europës. Pas ndeshjes, trajneri maqedonas u shpreh për Oversport:
“Falenderoj lojtarët e mi, kishim vetëm 3 ditë trajnim. Kemi bashkëpunuar, kemi njohur njëri-tjetrin dhe atë që kemi bërë këto ditë e treguam në fushë. Nuk është e lehtë të njohësh ekipin për 3 ditë e të bësh mirë por unë kam besuar te ata. Kemi patur raste ku mund të vinte edhe goli i katërt por kemi luajtur mirë. Tani duhet të mendojmë për ndeshjen e ardhshme. Përshëndes lojtarët e mi për atë që treguan në fushë dhe tifozët që ishin lojtari i 12 i ekipit. Dua të falenderoj kudnërshtarët për lojën e bukur që zhvilluan. Në pjesën e parë nuk patën shanse por në të dytën i patën disa.
Objektivi kampion? Nuk ka patur bisedë titulli, jemi larg. Do të shohim nga ndeshja në ndeshje.
A do të jetë Auron Miloti brenda ekipit? Ata që kanë qenë afër ekipit do të jenë këtu. Unë ende nuk di emrat e lojtarëve por për të tjerat do të punojmë. Besoj se ai do të jetë këtu.”
