Kampionët e Shqipërisë mund të përballen që në turin e parë me ish-skuadrën e trajnerit Zekić. Sherifi i Tiraspolit është një prej ekipeve që mund të jetë rivali i të kuqve në turin e parë kualifikues të Champions League. Një tjetër rival i mundshëm është edhe kampionia e Bjellorusisë, Bate Borisov që do jetë në aktivitet kohën kur do të luhen ndeshjet.
Skuadra më e fortë në letër është kampionia e Izraelit, Maccabi Haifa, ndërkohë që skuadra të tilla si Zrinjski i Bosnjës, apo Astana e Kazakistanit kanë specifika vetëm për sa i përket udhëtimeve. Nëse Bosnja është shumë afër dhe klubi i kuq do të shpenzojë shumë pak për ushëtimin, transferta për në Astana mund të jetë një histori më vete. Për të udhëtuar drejt kryeqytetit të Kazakistanit, duhen të paktën 6 orë udhëtim nga Stambolli.
Gjithësesi, gjithçka kristalizohet në orën 14:00 në Nion, kur hidhet shorti për turin e parë të Ligës së Kampioneve. Ndeshjet do të luhen në datat 11/12 korrik dhe ndeshjet e kthimit në 18/19 korrik.
Shorti/Grupi 3
Vazo A
FC Sheriff Tiraspol (MDA)
FC BATE Borisov (BLR)
FC Astana (KAZ)
Maccabi Haifa FC (ISR)
HŠK Zrinjsk (BIH)
Vazo B
FC Dinamo Tbilisi (GEO)
FK Partizani (ALB)
FCV Farul Constanța (ROU)
FC Urartu (ARM)
Hamrun Spartans FC (MLT)
