Wednesday, February 21, 2024

“Sunday League” Futboll 9×9/Nuk mjafton dopieta e Smajlit, vjen barazimi i parë për shkodranët e MFC Panthers, kryesimin e merr Prestige me 2 pikë më shumë

Lexo

Roamel-MFC Panthers 2-2(Shënues: Brendon Smajli)

Pas një jave pushim, Kampionati Kombëtar i futbollit amator, “Sunday League” te futbollit 9×9, është rikthyer me ndeshjet e javës së tetë. Ashtu si edhe ndeshjet e mëparshme, bazuar në një vendim të marrë nga federata në fjalë, ballafaqimet e këtij kampionati vazhdojnë të zhvillohen në Tiranë.

Për javën e tetë të kampionatit, MFC Panthers Shkodra kishte përballë skuadrën Roamel, nënkampione e senit të kaluar dhe pretendente kryesore për titull së bashku edhe ekipin tjetër kryeqytetas, Pretige.

Në ndryshim nga shtatë javët e mëparshme, ku MFC Panthers e drejtuar nga trajneri Fatmir Axhani i kishte fituar të gjitha ndeshjet me radhë, kjo e fundit ka regjistruar barazimin e parë.

Një ndeshje, që në fakt është dominuar plotësisht nga skuadra shkodrane, Panthers, e cila falë dy golave mjeshtrorë të realizuar nga Brendon Smajli përmes goditjeve të dënimit, ka qënë dy herë radhazi në kryesim të rezultatit, por në të dy rastet, nënkampionet e Roamel kanë barazuar shifrat.

Sipas presidentit Ergi Axhani, i cili e ka ndjekur skuadrën që financon prej së fërmi në këtë ndeshje, Panthers Shkodra e meritonte fitoren, por kanë qënë disa vendime të njëanshme të arbitrit që e kanë dëmtuar ekipin shkodran të mos regjistrojë edhe fitoren e tetë radhazi.

Barazimi në javën e tetë i ka kushtuar MFC Panthers Shkodra duke lëshuar kryesimin e kampionatit, që tashmë e ka marrë skuadra kampione në fuqi, Prestige me 24 pikë duke lënë në vend të dytë Panthers Shkodra me 22 pikë.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img