Janë luajtur këtë të martë në Qendrën e Ekipeve Kombëtare në Kamëz dhe në Fier, ndeshjet e grup-moshës U-14 dhe U-15, në kuadër të turneut të përfaqësueseve rajonale që organizohet nga Federata e Futbollit.
Në Kamëz janë zhvilluar ndeshjet e grupmoshës U-14 ku morën pjesë Tirana, Lezha, Durrësi dhe Shkodra. Tirana – Lezha ishte një sfidë mjaft e luftuar deri në fund, teksa koha e rregullt u mbyll me rezultatin 0-0. Skuadrat iu drejtuar 11-metërshave dhe nga pika e bardhë e penalltive triumfuan kryeqytetasit e vegjël, me rezultatin 6-5, duke kaluar kështu në fazën tjetër.
Në ndeshjen tjetër, Durrësit i mjaftoi goli i Martanit në minutën e 36-të për të kaluar në finale, ku u përball me Shkodrën. Në finalen e vogël mes kryeqytetasve dhe durrsakëve triumfuan këta të fundit. Bregdetarët mposhtën Tiranën me rezultatin minimal 1-0. Në sfidën tjetër për të përcaktuar vendin e tretë dhe të katërt, Shkodra mundi Lezhën me rezultatin 4-1.
Edhe ndeshjet e luajtura në stadiumin ‘Loni Papuçiu’ në Fier për grupmoshën U-15 ishin mjaft interesante. Gjirokastra mundi me rezultatin 4-2 ekipin e Elbasanit, një fitore që i dha gjirokastritëve ‘biletën’ për në takimin final të kësaj grupmoshe. Nga ana tjetër, Fieri barazoi me rezultatin 1-1 me Korçën, por në finalen e vogël kaluan fierakët, pasi triumfuan nga pika e bardhë e penalltive me shifrat 3-0.
Sakaq, në finalen e së enjtes me Tiranën do të përballen 15 vjeçarët e Fierit, pasi mposhtën me rezultatin e pastër 2-0 Gjirokastrën, ndërsa në takimin e vlefshëm për vendin e tretë dhe të katërt, Elbasani mundi minimalisht me rezultatin 1-0 Korçën.
U-14 dt.2010: Tiranë, Durrës, Shkodër, Lezhë
Dt.09.05.2023 (E martë)
Tirana 0–0 Lezha (6-5 me penallti)
Kompleksi sportiv “Qendra e Ekipeve Kombëtare” Kamëz
Durrës 1–0 Shkodër
Golat: Martani (36’)
Kompleksi sportiv “Qendra e Ekipeve Kombëtare” Kamëz
Ndeshja finale dhe ndeshja për vendin e 3-të & të 4-t
Fituesit e çifteve 1 dhe 2
Tirana 0–1 Durrës
Golat: Mustafaj (45’),
Kompleksi sportiv “Qendra e Ekipeve Kombëtare”, Kamëz
Humbësit e çifteve 1 dhe 2
Lezha 1–4 Shkodër
Golat: Bruka (37’)/ Vajushi (5’, 14’)/ Gucija (23’), Leka (47’)
Kompleksi sportiv “Qendra e Ekipeve Kombëtare”, Kamëz
U-15 dt.2009: Fier, Elbasan, Korça, Gjirokastër
Dt.09.05.2023 (E martë)
Fieri 1–1 Korça (3-0 me penallti)
Golat: Mali (47’)/ Fiqi (48’)
Aneksi i stadiumit “Loni Papuçiu” Fier
Elbasani 2–4 Gjirokastër
Golat: Sharon (29’), Bajrami (51’)/ Qurku (15’, 42’, 67’), Shatro (27’)
Aneksi i stadiumit “Loni Papuçiu” Fier
Ndeshja finale dhe ndeshja për vendin e 3-të & të 4-t
Fituesit e çifteve 1 dhe 2
Fieri 2–0 Gjirokastër
Golat: Muça (4’), Mali (13‘)
Aneksi i stadiumit “Loni Papuçiu” Fier
Humbësit e çifteve 1 dhe 2
Elbasani 1–0 Korça
Golat: Ruçi (37’)
Aneksi i stadiumit “Loni Papuçiu” Fier
