SHQIPËRI-POLONI 1-0 (Shënues: Jasani 37’)
SHQIPËRIA: Strakosha, Mitaj, Gjimshiti, Ismajli, Hysaj, Asllani, Ramadani, Bajrami, Uzuni, Asani, Cikalleshi
Trajner: Silvinjo
POLONIA: Shezni, Berezinski, Kedziora, Bednarek, Kivior, Kesh, Zimanski, Zielinski, Kryçoviak, Kaminski, Levandovski
Trajner: F. Santos
Sapo është mbyllur pjesa e parë e ndeshjes, Shqipëri-Poloni, takim ky po luhet që nga ora 20:45 në stadiumin “Air Albania” të kryeqytetit shqiptar, Tiranë, në kuaadrin e ndeshjeve eleminatore të Euro “Gjermania 2024”, grupi E.
Një stadium i supermbushur mbi kapacitetin e tij, me një tifozëri të zjarrtë kuqezi, por me një pjesëmarrje edhe të tifozërisë polake.
Emocione pa fund në këtë 45 minutësh të parë, ku iniciativë që në fillim e marrin kuqezinjtë, të cilët ushtrojnë presion në portën polake të mbrojtur nga Shezni. Por, drithërimë kur polakët shënojnë në minutën e 24-tërt pas një rrëmuje në zonën kuqezi me anë të numrit 14 Kiëior. Por, ndërhyrja e sistemit VAR anulon golin për pozicion jashtë loje.
Moment fatlum për tanët me qëndrimin në fuqi të rezultatin 0-0. Rasti në fjalë duket se motivoi edhe më shumë djemtë kuqezi të drejtuar nga braziliani Silvinjo, të cilët rimarrin situatën në zotërim. Dhe, vjen moment fantastik i kësaj mbrëmje. Është shkupiani Jasir Asani, dhuron spektakël. E majtë e çmendur nga e djathta e sulmit dhe “Air Albania” dhe nga një pozicion diagonal e dërgon topin direk në rrjetën e portjerit polak. Festë në “Air Albania” dhe në të gjithë shqiptarinë. Është minuta e 37-të, Shqipëria kalon në avantazh, 1-0, rezultat që mbyll edhe pjesën e parë duke ia lënë radhën tashmë pjesës së dytë, e cila shpresohet të finalizojë një fitore shumë të rëndësishme të Shqipërisë, që nëse realizohet, hap rrugën e një kualilimi të mundshëm në “Gjermani 2020”.
(Video) Goli spektakolar i Jasir Asanit shënur në pjesën e parë të ndeshjes, Shqipëri-Poloni, 1-0.
Gaspër MARKU
