Vllaznia luan ndeshjen e parë europiane të Konferencë Ligë, duke qënë mysafire në Belfast ku do të ballafaqohet me skuadrën vendase Linfield FC të Irlandës së Veriut. Do të jetë ora 19:45 minuta kur do të startojë kjo ndeshje në National Football Stadium at Windsor Park në prani të një numri rekord tifozësh shqiptarë që jertojnë në Britaninë e Madhe, mes të cilëve spikasin ato shkodranë.
Shumë emocione për këtë pragndeshje, përfshirë edhe komentatorin e futbollit për emisionin “Nga njëra ndeshje në tjetrën” të Radio Tiranës, Rrok Preçi, i cili ka mbi 60 vite në mikrofon.
Në analizën e tij, komentatori sportive, Rrok Preçi vlerëson skuadrën irlandezo-veriore, sidomos për përgatitjen fizike dhe atletike, si dhe lojën e shpejtë nga krahët, por nga ana tjetër ka besim të plotë, se Vllaznia ia del për të kaluar në turin e dytë të Konferencë Ligë.
Ndër të tjera, Preçi thekson se për do të jetë një favor shumë i madh numri rekord i tifozëve kuqeblu në stadiumin e Belfastit, ku sipas tij, mbështetja e tyre konsiderohet në këtë rast “jo si lojtari i 12-të, por si i 13-ti”.
(Video) Intervistën e plotë me komentatorin e futbollit, Rrok Preçi, mund ta ndiqni në kanalin tonë zyrtar, Veriu Sport-YOUTUBE.
Gaspër MARKU
