Tuesday, July 23, 2024

(Video) Vllaznia e koshit me dy amerikanë në fushë përballë Flamurtarit në fundjavë. Pas Craig Sabb, firmos edhe Mckyron Endrel

Lexo

Ndonëse problemet organizative dhe ato financiare vazhdojnë të jenë akoma prezent në basketbollin shkodran, Shoqata e Basketbollit Vllaznia ka bërë të mundur që në harkun kohor të pak javëve të jetë aktive në merkato duke veshur kuqeblu dy basketbollistë amerikanë.

Fillimisht ishte Craig Sabb që u bë pjesë e Vllaznisë, ndërkohë që mbrëmjen e djeshme në dispozicion të trajnerit Damian Bekteshi është vënë edhe amerikani tjetër, 25 vjeçari Mckyron Endrel, me një gjatësi të admirueshme prej 1 metër dhe 92 cm.

Kontakti i parë me trajnerin Damian Bekteshi dhe kryetarin e Shoqatës së Basketbollit Vllaznia, Bledar Gjeçaj ka qënë paraditen e së martës, kur Mckyron Endrel ka zhvilluar seance e parë pak a shumë individuale me një pjesë të vogoël të skuadrës, ndërkohë mbrëmjen e djeshme, ai është bashkuar me skuadrën në një seancë të plotë nën drejtimin e trajnerit Bekteshi.

Kërkesës së gazetarëve për të folur për medien, amerikani Mckyron Endrel, iu përgjigj pozitivisht duke pohuar se  ftesen për t’u bërë pjesë e Vllaznisë e priti me shumë kënaqësi.

“Mbërritja në Shkodër u shoqërua me një mikpritje të veçantë duke më hapur dyert që të bëhen pjesë e skuadrës së këtij qyteti. Vllazninë e kam ndjekur, sidomos në katër ndeshjet e para të sezonit dhe kam krijuar një përshtypje për lojën e kësaj skuadre.”, tha amerikani kuqeblu, Mckyron Endrel.

Duke folur për skuadrën, Mckyron Endrel, tha se “Vllaznia është një ekip i mirë, ka potencial shumë, dhe mendoj se mund t’ia arrijmë për të marrë rezultate pozitive.”

Sa i përket CV-së së tij, Endrel, bëri të ditur se karriera e tij në Amerikë ka qënë me disa skuadra, ku ekipi i fundit që është aktivizuar është Lincoln College.

“Më vjen mirë që tek Vllaznia gjeta edhe një tjetër basketbollist që vjen nga Shtetet e Bashkuara të Amerikës. Është diçka e mirë që jemi bashkë në gjirin e Vllaznisë. Pozicioni im që luaj në fushën e lojës, është 1 dhe 2. Sot iu bashkova skuadrës në stërvitje dhe mendoj se jam gati të luaj që në ndeshjen e radhës në formacionin e Vllaznisë duke i premtuar tifozërisë që do të jap më të mirën time në fushën e lojës për t’i sjellë sa më shumë fitore Vllaznisë.”, mbylli prononcimin e tij për medist, amerikani i dytë që i bashkohet Vllaznisë, Mckyron Endrel

Nga sa bëhet e ditur, në ndeshjen e radhës të Vllaznisë së basketbollit meshkuj është ajo kundra Flamurtarit, e vlefshme për javën e gjashtë e kategorisë së Superligës, e cila do të luhet mbrëmjen e së shtunës në pallatin e sportit “Qazim Dervishi” duke filluar nga ora 19:00, ku pritet të bëjë debutimin me uniformën kuqeblu edhe amerikani Mckyron Endrel.

(Video) Prononcimi i basketbollistit amerikan, Mckyron Endrel, i cili që ditës së djeshme është bërë pjesë e Vllaznisë., si dhe pamje nga seanca e parë stërvitore e tij me ekipin kuqeblu.

Gaspër MARKU

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img