Tifozët shkodrane kanë qënë historikisht mbështetësit e flaktë të skuadrës së tyre të zemrës, Vllaznia. Pandemia ia privoi sezonin e kaluar mundësinë për të qënë në shkallët e stadiumit, megjithatë, edhe jashtë dyerve të stadiumit, ngrohtësia dhe mbështetja për skuadrën nuk ka munguar. Hapja e pjeshshme e stadiumit për finalen e Kupës së Shqipërisë ndaj Skenderbeut, me atë pjesëmarrje massive të tifozëve kuqeblu, u pa qartë për lidhjen e fortë që ato kanë me skuadrën. Tashmë në skenë është finalja e madhe e Suprkupës së Shqipërisë, Teuta-Vllaznia, takim i programuar të luhet të shtunën në “Elbasan Arenma” duke filluar nga ora 19.00. Kuqeblutë e drejtuar nga trajneri Brdariç kanë nevojë për mbështetjen nga tifozëet e tyre, ndaj KF Vllaznia, i fton ato zyrtarisht për të jenë sa më të shumtë në shkallët e stadiumit “Elbasan Arena”.
THIRRJE
“Pasditja e së shtunës do na gjejë sërish në një finale. Luajmë përballë Teutës, për të diskutuar fatet e Superkupës së këtij viti. Padyshim që futbollistët dhe stafi teknik i Vllaznisë janë të motivuar në maksimum për ta sjellë edhe këtë trofe në Shkodër, që do të jetë i treti në historinë e klubit tonë. Por nga ana tjetër, ata kanë nevojë edhe për mbështetjen e tifozëve të zjarrtë kuqeblu. Ashtu si dhe në finalen e Kupës së Shqipërisë ndaj Skënderbeut, edhe nesër, ne shpresojmë që lojtari ynë i 12-të të jetë aty në shkallët e stadiumit “Elbasan Arena” për të na mbështetur. Vllaznia ka nevojë për tifozët e saj. Eja edhe ti! Dhe në mbrëmje të kthehemi të gjithë së bashku me Kupë në Shkodër! Forca Vllaznia!”, shkruhet në postimin zyrtar të KF Vllaznia.
Gjithnjë për pjesëmarrjen e tifozëve kuqeblu në stadiumin “Elbasan Arena” në mbështetje të skuadrës së tyre të zemrës, Vllaznia, gjatë 2-3 ditëve të fundit,ka pasur zëra që klubi kuqeblu do të vendoste autobusë falas për udhëtimin e tifozëve shkodranë drejt Elbasanit, por realisht, deri më tani nuk ka një konfirmim të saktë lidhur me këtë kërkesë të tifozëve.