Zërat për largimin nga Kukësi të trajnerit Hallaçi, klubi e mohon zyrtarisht

Lexo

Rezultatet jo të mira që po regjistron skuadra e Kukësi, ku më e fundit ishte humbja e së premtes në “Elbasan Arena” me Vllazninë kanë shtuar zërat gjatë 24 orëve të fundit për një largim të mundshëm të trajnerit Rrahman Hallaçi nga drejtimi i skuadrës.

Por, nga ana tjetër, burime zyrtare nga FK Kukësi mendojnë ndryshe. Dhe, këtë e kanë bërë përmes një deklarate për shtyp të shpërndarë pak minuta më parë në faqen zyrtare të klubit të tyre.

Njoftim i klubit

Futboll Klub Kukësi kërkon të sqarojë opinionin publik se lajmet e orëve të fundit në media, për shkarkimin e trajnerit Rraman Hallaçi janë të pavërteta. Hallaçi do të vazhdojë të jetë trajner i skuadrës dhe stafi teknik po punon për të përforcuar skuadrën në merkaton e janarit duke siguruar të gjithë se ekipi do të kthehet te rezultatet pozitivë shumë shpejt.

Trajneri Hallaçi ka besimin e klubit dhe mbështetjen e të gjithë futbollistëve në këtë moment të vështirë për skuadrën. Skuadra zhvillon sot stërvitjen e radhës për ndeshjen ndaj Apolonisë nën urdhërat e trajnerit Hallaçi.

Klubi e kupton se emri i Kukësit shton klikimet dhe rrit shitjet e gazetave por njëkohësisht kërkon nga mediat që të tregohen profesioniste dhe të mos publikojnë lajme të rreme. Klubi ka zyrën e shtypit ku mund të merret çdo informacion që keni nevojë. Para se të publikoni një lajm, jeni të lutur të siguroheni.

Zyra për shtyp
FK Kukësi

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -