Në “Bluenergy Stadium”, zero gjuajtje në portë në pjesën e parë, më pas gjithçka ndodh në pjesën e dytë me bardhezinjtë që barazojnë në ekstrem
Napoli nuk di më si të fitojë. Në ndeshjen që mbylli javën e 35-të të Serisë A, skuadra e Calzona nuk shkon përtej barazimit 1-1 ndaj Udineses dhe lejon që djemtë e Cannavaro-s të lëvizin në tabelë në zonën e rënies.
Në pjesën e parë në “Blueenergy Stadium” u zhvillua një ndeshje e karakterizuar nga shumë duele, pak ritëm dhe zero gjuajtje në portë.
Në pjesën e dytë Osimhen (51′) zhbllokoi sfidën me një goditje me kokë pas një asistimi të përsosur nga Politano, më pas në limitet e sfidës Success (92′) befasoi të kaltërit, barazoi dhe mbajti gjallë shpresat e bardhezinjve për mbijetesë.
