Edicioni i tetë i Maratonës së Tiranës do të zhvillohet mëngjesin e së dielës me tre kategoritë e saj, 42 km, 21 km dhe 10 km
Edicioni i tetë i Maratonës së Tiranës do të zhvillohet mëngjesin e së dielës me tre kategoritë e saj, 42 km, 21 km dhe 10 km. Në të do të marrë pjesë edhe kampionia dhe rekordmenia e atletikës shqiptare, Luiza Gega. Ajo synon të thyejë rekordin kombëtar në 42 kilometra.
Kryeqyteti i ka dhënë fund të gjitha përgatitjeve, deri në detaje, për edicionin e tetë të Maratonës së Tiranës, i cili do të marrë jetë pikërisht mëngjesin e së dielës. Si gjithnjë, do të garohet në distancat 42, 21 dhe 10 km. Presidenti i FSHA, Taulant Stërmasi shpjegon detajet: “Sot Tirana ka një maratonë që është destinacion për turizëm sportive që është shumë I rëndësishëm. Kemi pjesëmarrjen më të madhe në krahasim me herët e tjera, kemi 35%-40% më shumë sportistë që garojnë në disiplinat 42 dhe 21 km”.
Kampionia dhe rekordmenia e atletikës shqiptare, Luiza Gega që nuk mungon në Maratonën e Tiranës, synon të thyejë rekordin kombëtar në 42 km
“Ky është një nga aktivitetet më emocionuese për mua. Sigurisht që unë kam marrë pjesë në Botërore, Olimpiadë, Evropiane, por ajo që e bën të veçantë këtë aktivitet është se garoj në vendin tim. Për mua ndryshe këtë vit e bën fakti që do garoj në 42 km. Jam përgatitur, shpresoj të vij me një rekord të ri kombëtar”.
