Thursday, July 18, 2024

“Adriatic Tenis Park”-Shkodër, hap zyrtarisht mjediset sportive-Ceremonia përuruese

Lexo

Ndonëse më herët janë zhvilluar disa aktivitete të rëndësishme, kombëtare dhe ndërkombëtare, parku sportiv, “Adriatic Tenis Park”, në Shkodër, mjediset moderne të këtij impianti sportiv, janë hapur zyrtarisht fundjavën e kaluar.

Adriatic Tennis Park, e përfaqësuar nga drejtuesi i tij Z. Gëzim Galiqi, dhe Shkodra Tennis Club, e përfaqësuar nga Presidenti, Z. Mark Gjeka, trajneri Dino Mehmedoviq dhe kampionia Gresi Bajri, mikpritën dhe përshëndetën ngrohtësisht personalitetet, miqtë dhe të ftuarit e shumtë.

Në ceremoninë përuruese, kanë marrë pjesë edhe Ministrja e Arsimit dhe Sportit, znj. Evis Kushi, Presidenti i Komitetit Olimpik Kombëtar Shqiptar, z. Fidel Ylli, Presidenti i Komitetit Olimpik të Malit të Zi, z. Dushan Simonoviq, Sekretari i Përgjithshëm i Komitetit Olimpik Kombëtar Shqiptar, z. Gerti Shima, si dhe ish-Kryetarja e Bashkisë Shkodër, znj. Voltana Ademi.

Krahas fjalës përshëndetëse të përfaqësuesit të Adriatic Tennis Park, Gëzim Galiqi, në ceremoninë përkatëse mbajtën fjalimet e rastit Ministrja e Arsimit dhe Sportit, Zj. Evis Kushi, ish-kryetarja e Bashkisë Shkodër, Zj. Voltana Ademi, Presidenti i Komitetit Olimpik Kombëtar Shqiptar, Z. Fidel Ylli, Presidenti i Federatës Shqiptare të Tenisit, Z. Ferdinand Sulo, Presidenti i Federatës së Tenisit të Kosovës, Z. Jeton Hadërgjonaj, anëtari i bordit të zhvillimit Tennis Europe, Z. Shkëlzen Domi dhe drejtori i Bellevue Club, Z. Senad Tafa.

Kompleksi më i ri sportiv, “Adriatik Tenis Park” është një nga më të mëdhenjt në Rajon. Investim ky i realizuar nga një grup miqsh të sportit dhe më tej të lidhur ngushtë me pasionin e sportit të tennisit.

 

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img