‘Pulce’ pas fitores ndaj Kroacisë: “Është vërtet emocionuese, ajo që përjetuam ishte diçka e pabesueshme”
Argjentina është në finalen e Kupës së Botës dhe shumë merita i takojnë Leo Messit, një gol nga penalltia dhe një asist edhe ndaj Kroacisë. “Gjatë gjithë Kupës së Botës, ajo që ne përjetuam ishte diçka e pabesueshme – tha ai pas ndeshjes -. Le të shkojmë dhe të luajmë ndeshjen e fundit, që është ajo që donim”.
Më pas ai u drejtohet tifozëve: “Jam argëtuar që kur kemi ardhur në Botëror edhe nëse e kemi nisur me humbje. Ne kemi besim, kërkojmë nga njerëzit të na besojnë, ne e dimë se çfarë jemi. Ky grup është i çmendur. Sërish Argjentina është në një finale botërore, shijoni të gjitha këto”.
“Gjithçka që kemi parë që nga fillimi i Kupës së Botës është e çmendur, ajo që shohim në çdo ndeshje me njerëzit, në Argjentinë – shtoi Messi në mikrofonat e Tyc Sports – E dimë se çfarë jemi, çfarë mund të arrijë ky grup”.
Në finalen e së dielës. “E dinim se mund ta bënim, kemi shumë besim. E dinim që nuk ishim kandidatët kryesorë, por nuk do t’i jepnim askujt asgjë. Gjithçka që bëmë ishte falë nesh, ndeshje pas ndeshjeje. Detajet ndryshojnë lojën, por ky grup ka qenë gjithmonë i qartë se ne do të jepnim gjithçka”.
“Le të argëtohemi, kjo që po bëjmë në këtë Botëror është një rezultat i jashtëzakonshëm. Do të bëjmë më të mirën në finale dhe do të heqim dorë nga gjithçka për t’ia dalë mbanë, por tani duhet ta shijojmë këtë moment të mrekullueshëm”.
