Kombëtarja e Shqipërisë është konkuruese në Kampionatin Europian për Junior që po zhvillohet në Ploiesti të Romanisë. Pjesë e ekipit kombëtar janë edhe dy sportistë të Vllaznise, Jurgen Lazri me trainer Klaudio Çekini dhe Arba Kuçi me trainer Jetmir Kuçi.
Në bazë të shortit që është hedhur, sot do të ngjitet në rring kampioni i Shqipërisë për të rinj, Jurgen Lazri. Përballë tij do të boksieri i përfaqësueses së Lituanisë, kampion në peshën e tij, një ndeshje që pritet të jetë mjaft e dyluftuar për vete nivelin e lartë që dispononjnë boksierët në fjalë.
Bazuar në përgatitjet serioze që Lazri ka zhvilluar me trajnerin Klaudio Çekini, boksieri shkodran pritet që ta mbyllë me sukszes ndeshjen e tij duke hapur rrugën për ecurinë e mëtejshme drejt zonës së medaljeve.
Ndërkohë, me shumë interes pritet edhe ndeshja e boksit për femra, ku kampionia shkodrane Arba Kuçi, e cila shoqërohet nga babai i saj, Jetmir Kuçi që është edhe trajneri i saj do të ngjitet në ring me objektivin e fitores së ndeshjes së parë eleminatore.
