Holandë-Japonini 2-2(Shënues: Virgil Van Dajk 51’, Krisencio Sumervill 64’/ Nakamura 56’, 88’)
Holanda dhe Japonia dhuruan spektakël në Grupin F të Kupës së Botës 2026 me sfidën që u mbyll në barazim 2-2 pas një ndeshjeje të luftuar deri në sekondat e fundit.
Pjesa e parë u mbyll pa gola teksa të dyja skuadrat treguan kujdes në mbrojtje dhe krijuan pak raste të pastra shënimi.
Gjithçka ndryshoi pas pushimit kur ritmi i ndeshjes u rrit ndjeshëm dhe të dyja skuadrat u hodhën në kërkim të golit.
Ishte Holanda që kaloi e para në avantazh në minutën e 51-të kur kapiteni Virgil Van Dajk shënoi për 1-0.
Megjithatë, gëzimi i Holandës zgjati vetëm pesë minuta pasi në të 56-tën Nakamura riktheu baraspeshën për Japoninë duke barazuar rezultatin në 1-1.
Skuadra holandeze reagoi sërish dhe në minutën e 64-të Krisencio Sumervill realizoi golin e dytë për Holandën duke e çuar rezultatin në 2-1 dhe duke i afruar europianët drejt fitores.
Kur dukej se gjithçka kishte përfunduar Japonia tregoi karakter dhe nuk u dorëzua duke surprizuar në minutat e fundit.
Në minutën e 88-të Kamada shënoi golin e barazimit 2-2 duke siguruar një pikë të çmuar për skuadrën aziatike.
Ky barazim mban të hapura llogaritë në Grupin F me Hollandën dhe Japoninë që vazhdojnë garën për një vend në fazën me eliminim direkt.
Fatos LAMAJ
