Thursday, February 29, 2024

Egnatia mposht Kukësin dhe marshon në krye të renditjes

Lexo

KUKËSI 1-4 EGNATIA (Rashiti 80′ / Malota 12′, Fernando 30′, Gjata 34′, Montenegro 90′)

Egnatia përforcon edhe më shumë pozitën në krye të renditjes duke mposhtur me rezultatin 4-1 Kukësin në “Kukës Arena”.

Që në minutën e 12-të rrogozhinasit shënuan me anë të Malotës. Pas golit më Malotës, Egnatia fitoi penallti në të 30-ën, ku Felipe ndërhyri në mënyrë të gabuar ndaj Zejnullait. Nga pika e bardhë Fernando gabon në gjuajtjen e parë, por portieri Tafas lë topin aty dhe sulmuesi i Egnatias nuk fal për 0-2. Katër minuta më pas rrogozhinasit shënojnë edhe golin e tretë. Asist perfekt i Ndrecës dhe Gjata shënon për 0-3. Trajneri Nica ndërhyn dhe bënë 3 zëvendësime, mes tyre edhe portieri Tafas i lënduar.

Në pjesën e dytë Kukësi mundohet të reagojë dhe shpërblehen në minutën e 80-të Rashiti ngushton diferencat. Por vetëm kaq, pasi me anjë të një kundërsulmi, Egnatia shënon golin e katërt me anë të Montenegros një minutë para fundit.

Një fitore bindëse, rrogozhinasit blindojnë kreun dhe ngjiten në kuotën e 43 pikëve. Nga ana tjetër, Kukësi ka harruar të fitojë, 10 ndeshje radhazi në kampionat pa sukses dhe mbetet në zonën që të çon një kategori më poshtë.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img