Flamurtari nuk ndalet në merkato. Vlonjatët vazhdojnë që të përforcojnë organikën në merkaton e janarit dhe kanë arritur që të firmosin me një emër të njohur të futbollit shqiptar.
Vasil Shkurtaj tashmë zyrtarisht është një lojtar i Flamurtarit. Sulmuesi është transferuar në Vlorë për të luajtur me fanelën e kuqezinjve në pjesën e dytë të sezonit. Shkurtaj është aktivizuar me disa skuadra në Shqipëri si Laçi, Kukësi apo Luftëtari, ndërsa së fundmi është aktivizuar në Qipro.
Vlonjatët pretendojnë rikthimin në elitën e futbollit shqiptar këtë sezon dhe deri tani kanë afruar në skuadër gjatë merkatos së janarit emra si Sebastián La Torra, Gersi Diamanti, Arton Podrimcaku, Justinas Janusevskis dhe Idriz Batha.
