Ceremonia zyrtare e kurorëzimit të Spanjës kampione bote në futboll femra është shoqëruar me një rast të veçantë. Në momentin kur lojtaret po kalonin me radhë për t’u rreshtuar në podium për të ngritur lart trofeun, Luis Rubiales përshëndeti futbollisten Xheni Hermoso dhe më pas e puthi në buzë, për habinë e të gjithëve.
Pamjet kanë bërë xhiron e rrjetit dhe kanë qenë shumë të komentuara, aq sa edhe vetë futbollistja, në mes të festës në dhomat e zhveshjeve pas suksesit, u desh të shpjegohej për atë që kishte ndodhur me një postim live në rrjetet sociale. “Nuk është se më pëlqeu, por nuk kisha çfarë t’i bëja”, tha sulmuesja e Spanjës.
