Thursday, March 28, 2024

KFF VLLAZNIA, siguron titullin kampione e Shqipërisë 3 javë para përfundimit të kampionatit

Lexo

Kur duhen edhe tre javë për të përfundur kampionati, Vllaznia në futboll për femra ka siguruar në mënyrë matematikore titullin kampion për sezonin futbollistik 2020-2021. Kjo ka ndodhur në javën e 19-të, javë që në fakt është programuar të luhet në tre ditë, e shtunë, diele, e hënë, por ka mjaftuar të mësohen dy përballjet e së shtunës ku kanë luajtur skuadrat rivale dhe pretendente për titull, Vllaznia dhe Apolonia për të bërë menjëherë llogaritë përkatëse.

Skuadra kuqeblu ka bërë të sajen teksa ka mundur në fushën e saj Partizanin me rezultatin e thellë 11 me 0. Ndërkohë në anën tjetër, Apolonia, skuadra rivale e Vllaznisë ka pritur në shtëpi Tiranën AS dhe barazimi 1 me 1 ka ndikuar në krijimin e diferencës së Vllaznisë me 10 pikë duke e shpallur automatikisht kampione të Shqipërisë.

Pamvarësisht se zyrtarisht trofeu i titullit do të dorëzohet pas 3 javëve, në Shkodër ka nisur festa e titullit. Një gjë të tillë e njofton zyrtarisht KFF Vllaznia, i cili përmes një postimi në faqen zyrtare të klubit, ka shkruar:

“KFF VLLAZNIA është shpallur zyrtarisht kampione për sezonin futbollistik 2020-2021 në mënyrë matematikore 3 javë para përfundimit të kampionatit.

Ky kurorëzim është i 8-ti radhazi dhe vajzat shkodrane nuk mund të na bënin krenare më shumë se kaq. Një falenderim i veçante shkon për stafin drejtues, stafin teknik, mjekësor dhe presidentin që janë pjesë e rëndësishme e suksesit të vazhdueshëm të KFF VLLAZNIA.

Falenderojmë Bashkinë e Shkodrës që ka përkrahur dhe mbëshetur në mënyrë të pakushtëzuar ekipin.

Tifozët me mbështetjen e tyre të zjarrtë kanë motivuar dhe përkrahur në mënyrë të padiskutueshme vajzat shkodrane në çdo ndeshje.

Rradhen e ka Kupa e Shqipërisë ku vajzat do na nderojnë përsëri. Gjithashtu iu urojmë suksese të mëtejshme KFF VLLAZNIA në sfiden e rradhës që i përket Champions League. Bravo vajzat kuqeblu !!! Urime dhe suksese të mëtejshme!”

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img